موعد حب

هذه قصيدة للشاعر محمد رحيمة الطائي
.موعد حب

اشلونج ياعز الناس عندي هو الكلب جم حبيبة عدة

هزني الشوك عالموعد اتانيك واعد بيدي الدقايق وحدة وحدة

وحدة اثنين وهاي الثالثة تروح أتاني وصار هل الموعد اشبعدة

نمت حسبالي اشوفك بالحلم جاي وكلت دمعاتي احطهن وسط خدة

نمتي هنيالج غفيتي وانة ليلي اليمر على عيوني صبح الينيّم وردة

ويمسد عليها مو مثل يلولي جرح ..!!

والغفة بيكلمة محـنة ..مو مثل الينام وبعينة ملح

لاحبيبي هذا الليل من يمرني دمعة .. وحزن واشواك وحنين

وانة عيني عليك مبطل دمعها .. تبجي ماتسكت العين

لالا تبجين امسحي دمعتج وارجوج لاتبجين

يل دمعج جمر وخدودج احلى من دموع العين

لا تبجين ....
وردة وتحترك ماتتحمل النيران ..

يذبل كل وركها وتستحي من الطين ...

وانتة لاتكلي لاتبجين ..؟ مو عمري انتهى .. وايامي كلها أتروح ..

لا تبجين بعد المن تسوة دمعة تطيح ..

هو اشباقي بينا ..؟ ونحترك كل حين ...