صور النسوان ديل عملن مشاكل

يا جماعة صور النسون ديل شيلوهن وخلوا الأعضاء يختوا لينا صورهم..قبل يومين كنت بطالع
فى أحد المواضيع لأحد الأعضاء الذى يضع أمام إسمه صورة ( حارة )..المرة فى البيت جات
جنبى ( حلوة جات دى زى شات Chat وقامت شافت المرة..ولأنها جاهلة بأمور الكمبيوتر
إفتكرتنى عامل شات معاها وقالت لى بى نرفزة دى منو المعولقة دى؟؟ قلت ليها وبراءة الأطفال
فى عيونى ( واحدة صايعة ) قال لى وإنتا مالك وماله ( فاتحه ليه؟ ) قلت ليها : فاتحها كيف يعنى؟
قالت لى : فاتح صورتها تتونس معاها؟ قلت ليها حرام عليك ..كيف أتونس معاها ؟ قالت لى
شايفاك بتكتب ليها وتكتب ليك؟ قلت ليها : أصلو أنا الكاشف ؟ قالت لى كمان بتضحك على!
أنا جادة. قلت ليها يا مرة قولى بسم الله دى صورة ساكت !! قالت لى : صورة دا ما المصنقر
( تقصد المسنجر ) قايلنى ما عارفاهو ؟؟ قلتا ليها يا مرة خلى الليلة دى تعدى على خير ونادى
لى بتك الكبيرة عشان توريك الفرق بين المصنقر والموقع...ده موقع ودرملى يا غشيمة.. قالت
لى: هى ودرملى متين دخلها الأنترنت يا غشيم غاشاك المرة دى قالت ليك أنا من ودرملى؟؟

ههههههههههههههههههههههههههههه
والله يا رملاوي ما بعرف اقولك شنو لكن لازم الكلام دا تقولوا الادارة للاعضاء عشان زي الصور دي ما يحطوها
نتمنى الادارة تشوف الكلام دا

ولا يهمكم بعون الله نصدر قانون جديد يمنع مثل انتشار هذه الظاهرة
والله ولي التوفيق

والله يجب على الادارة ان تتخذ موقف حاسم تجاه هذه الصور

وجزاك الله خير يا ابو عمر دوما انت مع المبادئ السامية

ابو عثمان كتب:

والله يجب على الادارة ان تتخذ موقف حاسم تجاه هذه الصور

احنا اعطينا مهلة وبعدها ان شاء الله بنبدأ بحملة تطهير المنتدى من مثل هذه الصور

انا اول واحدة بتفاعل مع القرار وسورى على التاخير